3 Mars 2026

Nga Orgen Peci

Irani ka në arsenal raketa me rreze të gjatë veprimi që teorikisht mund të arrijnë në Europë Juglindore, përfshirë edhe Shqipërinë.

Irani zotëron disa lloje raketash balistike me rreze të mesme (MRBM), si p.sh.:
Shahab-3 me rreze rreth 1,300–2,000 km,
Khorramshahr me rreze deri rreth 2,000 km dhe Sejjil me rreze rreth 2,000–2,500 km

Distanca nga Irani deri në Shqipëri është afërsisht 2,000–2,500 km (në varësi të pikës së nisjes), që do të thotë se në aspekt teknik disa prej këtyre sistemeve mund ta mbulojnë atë distancë.

Megjithatë, kjo është vetëm aftësi teorike ushtarake. Objektivat e deklaruara të Iranit deri tani janë Izraeli, bazat amerikane në Lindjen e Mesme ose rivalë rajonalë.

Në Shqipëri strehohen anëtarë të organizatës Mojahedin-e Khalq (MEK), një grup opozitar iranian që prej vitesh është në konflikt të hapur me regjimin në Teheran. Ata u zhvendosën në Shqipëri pas një marrëveshje me SHBA-të

Irani e konsideron MEK-un armik dhe ka akuzuar vazhdimisht Shqipërinë për “strehim të një organizate terroriste”. Deri tani, ka pasur vetëm incidente kibernetike. Në vitin 2022, Shqipëria ndërpreu marrëdhëniet diplomatike me Iranin pas një sulmi të gjerë kibernetik që iu atribua Teheranit.

Nga: Gazeta Dita